පාකිස්ථානු කතෝලික සරණාගතයන්ට මුවා වූ කතෝලික සභාවේ ඩබල් ගේම.

පාකිස්ථානයේ සුළුතර කතෝලික ප්‍රජාවට එරෙහිව මුස්ලිම් අන්තවාදී ප්‍රහාර උත්සන්න වීමත් සමග කතෝලිකයන් ලංකාවට පලා එමින් සිටින බව වාර්ථා වේ. මේ අනුව ලංකාවට ආ පාකිස්ථානු ජාතික කතෝලිකයන් දහස් ගණනක් මේ වන විටත් කතෝලික සභාවේ අනුදැනුම ඇතිව කතෝලික පල්ලිවල රදවාගෙන මීගමුව හලාවත හා කොළඹට ආසන්න ප්‍රදේශ කිහිපයක පදිංචි කර ඇත. අත් පා කපා දැමූ සිය ගණනක්ද ඒ අතර වන බව කියවේ. මෙතෙක් කලක් මුස්ලිම් අන්තවාදය (බෞද්ධයන්ට පහර දෙන විට) ගැන දතකට පූට්ටුවී සිටි කතෝලික සභාව පාකිස්ථානු මුස්ලිම් අන්තවාදීන්ගෙන් තර්ජනයට ලක්ව ඇති කතෝලිකයන් ගැන ශෝක ප්‍රකාශද නිකුත් කරමින් "පාකිස්ථානයේ" මුස්ලිම් අන්තවාදයට එරෙහිව ක්‍රියාත්මක විය යුතු බව ද ප්‍රකාශ නිකුත් කර තිබේ.

ලංකාව තුළ හිස ඔසවන බිහිසුණු ඉස්ලාමීය අන්තවාදය ගැන සමාජයට හෙළි කරමින් සිංහල බෞද්ධයන්ගේ අයිතිවාසිකම් වෙනුවෙන් පෙනී සිටි සංවිධාන හා හිමිවරුන්ට තමන්ගේ ‍එන්.ජී.ඕ හා මාධ්‍ය හෙන්චයියන් ලවා ජාතිවාදී ලේබල් අලවමින් ජාත්‍යන්තරයේ පවා බොරු බේගල් ඇද බාමින් බෞද්ධයන් අපකීර්තියට පත් කරවීමට ප්‍රමුඛ වී කටයුතු කළ කතෝලික සභාව අද මුසල්මානු අන්තවාදයක් ගැන කිඹුල් කදුළු හෙළමින් පාකිස්ථානු කිතුණුවන් ලංකාවේ බින්න බස්සවා ගැනීමට කටයුතු කිරීම පිටුපස ඇති යතාර්තය කුමක්ද?

පාකිස්ථානය තුළ සුළුතර කතෝලික ප්‍රජාව මුස්ලිම් අන්තවාදීන්ගේ තාඩන පීඩන වලට ලක් වූයේ අද ඊයෙක සිට නොවේ. එමෙන්ම ඔවුන්ගේ අත්පා කපා දැමූ, පල්ලි ගිනි තැබූ, බුරුතු පිටින් මරා දැමූ ප්‍රථම අවස්ථාවද මෙය නොවේ. පාකිස්ථානයේ වහාබ් අන්තවාදීන් අතින් පීඩාවට පත්වන කතෝලික ප්‍රජාව පලා යා යුතුවන්නේ කතෝලික රටකට මිස බෞද්ධ රටකටද? අසල්වැසි ඉන්දියාවේ බහුතර කතෝලික බලයක් සහිත ගෝවේ ප්‍රාන්තයත් පසුකරගෙන තවත් සැතපුම් දහස් ගණනක් ගෙවාගෙන පාකිස්ථානු කතෝලිකයන් ලංකාවටම ගොඩ බහින්නේ ඇයි? පාකිස්ථානු කතෝලිකයන් මුහුණ දී සිටින ඛේදවාචකය ගැන වතිකානුවේ පාප්වරයාත් මුනිවත රකිත් දී ලංකාවේ කතෝලික සභාවට පාකිස්ථානුවන් ගැන වැළදී ඇති ගායේ තේරුම කුමක්ද? ඉතිහාසය පුරා කන්න ඕන වූවාම කබරගොයාත් තලගොයා කරගෙන කන ඉතිහාසයක් මිස රටේ ජාතික ප්‍රශ්නයකදී පවා සද්භාවයෙන් කටයුතු නොකෙරූ අවස්ථාවාදී ඉතිහාසයකට හිමිකම් කියන ලංකා කතෝලික සභාව ඊනියා ගැලවුම්කරුවකුගේ චරිතය රගමින් මේ අතගසා ඇත්තේද මොන උප්පරවැට්ටියකින් හෝ තමන්ගේ ඔලුගෙඩි ගණන වැඩිකරගැනීමේ ක්‍රියාදාමයකටය.

පැහැදිළිවම සරණාගත ලේබලයට මුවා කර පාකිස්ථානුවන් ලංකාවේ බින්න බස්සවා ගැනීමේ යටි අරමුණ මේ රටේ ක්‍රිස්තියානි ව්‍යාප්තකරණය තර කිරීම මිස වෙන යමක් නොවේ. සරණාගත ලේබලයට මුවා වී මෙසේ ලංකාවට සංක්‍රමණය වී ඇත්තේ සැබැවින්ම සරණාගතයන් පමණද? අපට ලැබී ඇති තොරතුරුවලට අනුව සරණාගතයන් යැයි හැදුන්වාගන්නා පිරිස් මුවාවෙන් ආගම් ප්‍රචාරකයින්ද ලංකාවට ගොඩ බැස තිබේ. ඒ අතර ක්‍රිස්තියානි මෙන්ම මුස්ලිම් මූලධර්මවාදීන්ද වන බව අනාවරනය වී තිබේ. (මේ වන විට මාලදිවයින් ජාතික 40000කට අධික ප්‍රමාණයක්ද, පාකිස්ථානු මුස්ලිමුන් 5000කට ආසන්න ප්‍රමාණයක්ද, ඇෆ්ගනිස්ථානු මුස්ලිමුන් 2000කට අධික ප්‍රමාණයක්ද රට තුළ අනවසර සංක්‍රමණිකයන් ලෙස රැදී සිටින බව වාර්ථා වේ - මේ පිටුපස ක්‍රියාත්මක වන්නේ මුස්ලිම් අන්තවාදී සංවිධාන දේශපාලකයන් හා මිනිස් ජාවාරම්කරුවන්ය ) ඔක්කොම කුණු බේරුවල් බොක්කට කීවා වාගේ මේ රට තුළ හොර රහසේ පැළපදියම් කරවමින් පවතින ‍මේ රට ගැන, මේ රටේ සංස්කෘතිය ගැන අබමල් රේනුවක දෙයක් නොදන්නා මේ අහිකුන්ඨකයන් ඉතාම නුදුරේදී යළිත් හැරවිය නොහැකි බරපතල සමාජ ආර්ථික ගැටළු රැසකට මගපාදන බවටනම් කිසිම සැකයක් තබා ගත යුතු නැත. එය අපට තේරුණත් ආණ්ඩුවේ ප්‍රතිපත්ති සම්පාදකයින්ට නොවැටහීම රටේ කරුමයකි.

අනිත් අතට පාකිස්ථානු කිතුණුවන් මෙහි ගෙන්වාගෙන පල්ලිවල රදවා ගනිමින් කතෝලික සභාව පෙන්වා තිබෙන්නේ බරපතල වැරදි පූර්වාදර්ශයක් වේ. මේ ආකාරයට වෙනත් රටවල කිතුණුවන් මෙහි ගෙන්වාගැනීමට කතෝක සභාවකට හැකිනම් ඒ හැකියාව මුස්ලිම් අන්තවාදී සංවිධානත් ක්‍රියාත්මක කළොත් රටටත් ජාතියටත් දෙවියන්වහන්සේගේම සරණය. ඕනෑම රටක දී සරණාගතයන් හා අනවසර සංක්‍රමණිකයන් පිළිබදව අනුගමනය කළ යුතු ජාත්‍යන්තරව පිළිගත් ක්‍රමවේදයක් වේ. ඒ අනුව මෙම අනවසර සංක්‍රමණික ප්‍රශ්නයට මැදිහත් විය යුතු වන්නේ එක්සත් ජාතීන්ගේ සරණාගතයින්ගේ කොමිසම මිස කතෝලික සභාව හෝ වෙනත් ආගමික කණ්ඩායමක් නොවේ.

අවුරුදු දෙදහස් පන්සීයක් තිස්සේ වෙන කිසිදු ජාතියක් නොකෙරූ තරම් උතුම් මානුෂීය ගුණාංග ප්‍රගුණ කළ සිංහල බෞද්ධ අපි කවර හෝ රටක පීඩාවට පත්වන අසරණ ජනකොටසකට මෙහි රැකවරණය සැපයීම මනුෂ්‍යත්වයේ නාමයෙන් බැහැර නොකළත්, අතීතයේ දී රෙද්ද අස්සේ දමාගත් නාගයින් අද අපටම පෙරළා දෂ්ඨ කිරීමට පටන්ගෙන ඇති නිසා මේ පිළිබදව අපි වඩ වඩාත් සංවේදී විය යුතුය. 1500 සියවසේදී පරංගින්ගෙන් මැරැම් කන්නට ගිය මුසල්මානුවන් කන්දේ රජුගේ පිළිසරණයෙන් උඩරටත්, නැගෙහිරත් පදිංචි කරවීමේ (අදට අනුව සෙනරත් රජුගේ ගොන්කම) විපාකයට සිංහලයාගේ නූපන් පරපුරට පවා වන්දි ගෙවීමට සිදු වී ඇත. එදා ලන්දේසී රෙපරමාදුවන්ගේ නිර්දය තාඩන පීඩන වලට ලක් වූ කතෝලිකයන් පන්සල් අස්සේ සගවාගෙන රැකවරණය දුන්නේ අපේ හාමුදුරුවන් වහන්සේලාය. පෘතුගීසි කතෝලිකයින් අපේ වෙහෙර විහාර ගිනිබත් කර බෞද්ධයන් හා සංඝයාවහන්ස්ලා ඝාතනය කරත් ඒ වෙනුවෙන් පළි ගැනීමට සිංහල බෞද්ධයන් කිසි දිනක ක්‍රියා කර නැත. නමුත් අතීතය මතක නැති කෙළෙහිගුණයක් නොදන්නා කතෝලික ප්‍රධානීන් තමන්ගේ ඔලුගෙඩි ගණන වැඩිකරගැනීම එකම අරමුණ කරගනිමින් තමන්ට සෙවණ දුන් සිංහල බෞද්ධ සංස්කෘතිය අද අමු අමුවේ හප කරති. ඒ වෙනුවෙන් රටේ සාමාජීය හා සංස්කෘතික පසුබිමත් නොතකා, ආර්ථිකයක් අනතුරේ හෙළා ඕනෑම කුණු‍ ගොඩක් රටට වැද්දා ගැනීමට ඔවුන් කටයුතු කරති. පාකිස්ථානු කතෝලිකයන් මෙහි බින්න බස්සවා ගැනීම පිළිබදව අපේ දැක්ම එයයි. විවිධ වේශයන්ගෙන් ක්‍රියාත්මක වන මුස්ලිම්කරණය හරහාත් ක්‍රිස්තියානිකරණය හරහාත් මේ දවසින් දවස උදුරාගන්නේ මේ බිමේ සැබෑම උරුමක්කාරයන් වූ සිංහල බෞද්ධ අනාගත පරපුරේ ජීවත්වීමේ අයිතියයි. එබැවින් රටේ සංස්කෘතියත්, ජාතියේ අනාගතයත් අනතුරේ හෙළමින් මේ රටට වද්දාගෙන ඇති පිටරට්ටුන් වහාම රටින් පිටුවහල් කරවීමට සිංහල බෞද්ධ සංවිධානවත් පෙරමුණ ගත යුතුය.

අනිත් අතට මේ රටේ ආගමික නිදහසක් නැති බවත්, ‍බහුතර බෞද්ධයන් අන්‍යාගමිකයන්ට එරෙහිව හිංසනයක් දියත් කර ඇති බවත් රට තුළත් ලෝකය පුරාත් ප්‍රචාරය කරන මුස්ලිම්, කතෝලික ක්‍රිස්තියානි එන්.ජී.ඕ කල්ලි හා පල්ලියේ අදිසි හස්ථයෙන් ක්‍රියාත්මක වන බොදු විරෝධී මඩ මාධ්‍ය කරුවන්ගෙනුත් අප පෙරළා ප්‍රශ්න කළ යුතු වන්නේ රට තුළ අන්‍යාගමිකයන්ට නිදහසක් නැත්නම්, මේ ආකාරයෙන් වෙනත් රටවල අන්‍යාගමිකයන් පවා නිදහසේ මේ රට තුළ පැලපදියම් වන්නේත් රැකවරණය සැපයෙන්නේත් මේ රටේ බහුතර බෞද්ධයන්ගේ සහනශීලීත්වය නිසා නොවේද යන්නයි. සැබෑම හිංසකයින් කවුද? අවස්ථාවාදී අන්තවාදීන් කවුද යන්න දැන් හොදටම පැහැදිළිය.

උපුටා ගැනීම