Saturday, May 3, 2014

විවිධ අවස්ථා වල සිටිනා පිළිකා රෝගීන්ට කටුපිළ තැම්බූ වතුර පානයෙන් සාර්ථක ප්‍රතිඵල ලැබේ. නමුත් එය තවම සම්පූර්ණයෙන්ම සියළුම පිළිකා රෝග තත්ත්වයන් සදහා සාර්ථක ප්‍රතිකාරයක් ලෙස සොයා ගෙන නැති බව කිව යුතුය.
==========================
වෛද්‍යාචාර්ය ජයසේන දහනායකගේ ලිපිය

පිළිකා සුවයට, “කටුපිළ” හොදයි යනු මේ දිනවල බොහෝ සෙයින් කියැවෙයි. මේ ශාකය පිළිකාවලට පමණක් නොව, කැඩුම් බිදුම්වල දී, ගෙඩි, වණ ප්‍රතිකාරවලදී, සර්ප විෂ වෙදකමේදී පිලාවේ රෝගවල දී, රක්ත අර්ශස් රෝගයේ දී අක්මා ආපදාවලදී, අණ්ඩ වෘද්ධියේ දී, ගර්භාෂගත ගෙඩිවල දී, දේශීය පාරම්පරික වෙදවරු ඈත අතීතයේ සිටම “කටුපිළ” යොදාගෙන ඇති බව පැරැණි වට්ටෝරුවලින් පැහැදිලි ය.
කටු පදුරු ලෙස පහතරට හැම පළාතක ම විශේෂයෙන් වියළි ශුෂ්ක ප්‍රදේශවල ඉබේ වැවෙන මෙම ශාකය, අඩි 3 ක්, 4 ක් පමණ උස් වෙයි. හීන් දෙමට ශාකයට බෙහෙවින් සමාන මෙහි ස්වභාවය මෙහි පළව ඇති ඡායරූපයෙන් දැක්වෙයි. කටුපිළ කොළ තද හරිත පැහැයක් ගනී. ඒවා වටකුරු ය. නමින් කටුපිල වුවුද ඒ කටු එතරම් තියුණු නැත. මේ ශාකයේ ලා කොළ පැහැති මල් රාශියක් කළඹක් සේ හට ගනි. ගම්මිරිස් ඇටයකට වඩා තරමක් ලොකු කටුපිළ ගෙඩි පැසුණු විට සුදු පැහැයක් ගනී. එහි බීජ, අබ ඇට තරම් කුඩාය.
කටුපිළ සකුනේ කණ්ටපුංඛා, ස්ලීහාශත්‍රැ, කණ්ටපුංකිකා, කණ්ටාලු, අත්‍යාතුප්ලිහාරී, කාලිකා ආදී නාමයන්ගෙන් හැදින්වෙයි. මෙහි උද්භිද විද්‍යාත්මක නාමය Gymnosporia emarginata HK.F.වේ. ඊට අමතර ව, Fiueggea Leucopyrus willd; Flacourtianivea Moon සහ Securinga leucophrus (willd) Muel ආදී නාම ද යෙදේ.
පිළිකාවට – කටුපිළ ගසේ පංචාගයේ සාරය මී පැණි දමා බීමට දීම ද, පංචාගය ගෙන චූර්ණ කර, පාණ්ඨ ලෙස සකස් කර දවසට තෙවරක් (කෝපිමෙන්) වත්කර බීම ද ඉතා ගුණදායකය. කොළ, දළු ගෙන හීනටි හාලෙන් කැද පිස දීම ද ගුණය. මෙම කොළ ගෙන පරිප්පු සමග වෑංජන පිස කෑම ද, පිළිකා සුවයට ඉවහල් වේ.
බඩවැලේ තුවාලවලට – කටුපිල කොළ, ගස්කරල් සැබෝ කොළ, එක පමණට ගෙන කොටා වණ්ඩුවේ තම්බා මිරිකාගත් යුෂ නිවෙන්නට හැර, මී පැණි ප්‍රතිවාප වශයෙන් යොදා උදේ පානය කිරීමෙන්, බඩවැලේ සෑදෙන තුවාල, ගෙඩි, වණ සහ ලප සුව වේ.
ස්ත්‍රීන්ගේ ගර්භාෂගත ගෙඩි දියවී යාමට ද, කටුපිළ මුල්වල හා පෝටාවැල්වල සාරය අමු කහ ඉස්ම සමග බීමට දෙයි.
කටුපිළ ශාකයේ තිබෙන රසායනික උපාදාන අතර ක්වාසිට්‍රීන්, ඇල්බියුමීන්, මැලියම්, රංජන පදාර්ථ, ක්ලෝරෝෆිල් ආදිය අඩංගු වේ. කටුපිලවල ඖෂධීය ගුණ කර්ම අතින් සලකන විට, රසයෙන් කෂාය රස හා තිත්ත වේ. ලඝු, රුක්ෂ හා තීක්ෂණ ගුණයෙන් යුක්තය. උෂ්ණ වීර්ය හා කටුක විපාක සහිතයි. ප්‍රභාවයෙන් ද කටුක වේ. මේ නිසා කටුපිළ රෝග රාශියකට ගුණ දෙයි.
කටුපිළ කොළ මිටක් හා කංසා කොළ එයින් අඩක් ගෙන චූර්ණ කර, මී කිරි සමග දීමෙන් ලේ යන අර්ශස් සදහා ගුණ වේ.
ඊටම, කටුපිළ මුල්, කංසා සමග අඹරා මෝරුවෙන් බීමට දීම ගුණ යි. අක්මාවේ රෝග නිසා වන ඉදිමුමට, කටුපිළ මුල් චූර්ණය මෝරු සමග දීම ඉතා ගුණදායකය.
ගඩුවලට – කටුපිළ කොළ, වල්ල කොළ, පොතු, බටු කරවිල කොළ, මුරුවා කොළ, මේ හැම කහ ලුණු ලා කොටා මලවා බදිනු. සියල ගඩු සුව වෙයි.
======================
මහාචාර්ය පියසිරි අමිලසිත් යාපාගේ ලිපිය

කටුපිල කතුරුපිල හා පිළිකා
පිළිකා සඳහා ශාකමය ඖෂධ සෙවීම ඉලක්‌ක කරගත් පර්යේෂණ දශක ගණනාවක්‌ තිස්‌සේ සිට ලොව පුරා විවිධ විද්‍යා කණ්‌ඩායම් විසින් සිදු කෙරෙන බව ප්‍රකට කරුණකි. ප්‍රතිපිළිකාමය ගුණැති ශාක විශේෂ රැසක්‌ විද්‍යාඥයන් මේ වන විට හඳුනාගෙන ඇත. එහෙත් ඒවා එකක්‌ වත් සියයට සියයක්‌ ම පිළිකා සුව කිරීමේ සමත් බවක්‌ වාර්තා වී නැත.

පසුගිය දා සති අන්ත පුවත්පතක්‌ හරහා කටුපිල නමැති ශාකය විවිධාකාරයෙන් පරිභෝජනය කිරීමෙන් පිළිකා රෝගීන් තිදෙනකු සම්පූර්ණයෙන් සුව වී සාමාන්‍ය ජීවිත ගත කරන පුවත හෙළි වූවේ මේ පසුබිම යටතේ ය. අපේ රටේ සුලබව දක්‌නට ලැබෙන කටුපිල ශාකයේ ප්‍රතිපිළිකාමය ගුණය පිළිබඳව දැන් දැන් බොහෝ දෙනා විමසිලිමත් වන්නට පටන්ගෙන තිබේ.

කෙසේ වුව ද කටුපිල ශාකය හඳුනා ගැනීම පිළිබඳව ගැටලුමය තත්ත්වයක්‌ ඇති වී තිබෙන බැව් පෙනෙන්නට තිබේ. ඊට තවත් හේතුවක්‌ වී ඇත්තේ අපේ ඖෂධීය ශාක පිළිබඳව ලියෑවුණු පොත්පත්වල ද විවිධාකාරයෙන් ඒ ගැන සඳහන් වී තිබීම ය. මේ ලිපියේ අරමුණ වන්නේ මේ ගැටලුමය තත්ත්වය නිරාකරණය කර ගැනීමට උදව් වීම ය.

අපේ රටේ බොහෝ දෙනා විසින් පරිශීලනය කරනු ලබන ඩී. එම්. ඒ ජයවීර මහතා විසින් රචිත Medicinal Plants Used in Cerylon නම් කෘතියේ තුන්වැනි වෙළුමෙහි කටුපිල යනුවෙන් සඳහන් වන්නේ උද්භිද විද්‍යාත්මකව Tephrosia purpurea නමින් හඳුන්වනු ලබන ශාක විශේෂයයි. එය ලෙගියුමිනෝසේ (දැන් Fabaceae) නම් ශාක කුලයට අයත් වන්නකි. එම කෘතියට අනුව පිල වශයෙන් ද එම ශාක විශේෂය හැඳින්වේ. වෛද්‍ය ජෝන් ආටිගල මහතා ගේ Sinhalese Materia Medica නම් ග්‍රන්ථයේ පිල වශයෙන් ද හඳුන්වා ඇත්තේ Tephrosia purpurea නම් වු විශේෂයයි.

සෙ.මි. 30-60ක්‌ පමණ උසට වැඩෙන, හොඳින් ශාඛනය වූ, දම් පැහැති පුෂ්ප සහිත මේ ශාකය බොහෝ දෙනා විසින් හඳුන්වනු ලබන්නේ කතුරු පිල යනුවෙනි. මේ ශාකයේ පත්‍රිකාවක්‌ ගෙන එය දෙකෙළවරින් අදිනු ලැබූ විට පත්‍රිකාව කොටස්‌ දෙකකට කැඩේ. එයින් එක්‌ කොටසක්‌ (වඩා දික්‌ කොටස) කතුරක හැඩය ගනී. කතුරු පිල යනුවෙන් හඳුන්වන්නේ එහෙයිනි. සංස්‌කෘත බසින් එය හඳුන්වනු ලබන සරපුංච යන්නෙන් අදහස්‌ කරන්නේ ද එය ම යෑයි කියනු ලැබේ.

ජාතික විද්‍යා පදනම මගින් මෑතක දී ප්‍රකාශිත A Checklist of the Flowering Plants of Sri Lanka (එල්. කේ. සේනාරත්න විසින් රචිත) නම් කෘතියෙහි Tephrosia purpurea ශාක විශේෂය පිල හා ගම් පිල යන නම්වලින් හඳුන්වා ඇත. එහි කටු පිල ශාකයක්‌ ගැන සඳහන් නො වන අතර සඳහන් වන්නේ උද්භිද විද්‍යාත්මකව Fluggea leucopyrus නම් වූ හීන් කටු පිල ශාකය ගැන ය. එය ඉයුෆොaබියේසේ කුලයට අයත් වන්නකි.

කටුපිල ශාකය කුමක්‌ ද යන්න පිළිබඳ මේ ගැටලුමය පසුබිම යටතේ, පාඨකයන් රැසක ගේ ඉල්ලීම පරිදි (මෙම ලේඛකයා ද ඇතුළුව) පිළිකා රෝගයෙන් සුවපත් වූයේ යෑයි කියන තිදෙනා භාවිත කොට ඇති කටුපිල ශාකයේ ඡායාරූපයක්‌ පසුගිය සති අන්තයක පෙර කී පුවත්පතේ ම පළ කෙරිණි. ඒ අනුව එම රෝගීන් භාවිත කොට ඇත්තේ හීන් කටුපිල ලෙස A Checklist of the Flowering Plants of Sri Lanka නම් කෘතියේ සඳහන් Fluggea leucopyrus නමැති ශාක විශේෂයයි.

මේ Fluggea leucopyrus නම් වූ ශාක විශේෂය, කටුපිල වශයෙන් ම සඳහන් කොට ඇත්තේ ආයුර්වේද දෙපාර්තමේන්තුව විසින් 2001 වසරේ දී පළ කරන ලද "ඖෂධීය ශාක සංග්‍රහය -ශ්‍රී ලාංකේය අධ්‍යයනයක්‌" (පළමු වෙළුම) නම් වූ ග්‍රන්ථයේ පමණි.

කටුපිල ශාකය (-හීන් කටු පිල) (Fluggea leucopyrus) පහත රට තෙත් හා වියළි දේශගුණික ප්‍රදේශවල සුලබව දැකගත හැකි ය. දැන් එහි ඵල හට ගන්නා කාලයයි. වටකුරු සහ සුදු පැහැති ඵලය කොත්තමල්ලි ඇටයට වඩා මඳක්‌ විශාල ය. ඵල සහිත කටුපිල පඳුරු මුතු පබලු ඇමුණුවාක්‌ මෙන් දැකුම්කලු දසුනක්‌ මවයි. කටුපිල පැළෑටිය උසින් මීටර් 0.5-4 දක්‌වා පමණ වේ. කටු සහිත ය. පත්‍ර කුඩා ය. හෘදයාකාර හෝ වටකුරු ය. දාරය සම්පූර්ණ ය. පුෂ්ප කොළ පැහැයට හුරු කහ පැහැති ය. ආක්‍ෂීයව ගොනු වී ඇත.

මේ ශාක විශේෂය (F. leucopyrus) දේශීය වෙදකමෙහි රෝග රැසක්‌ සඳහා ප්‍රතිකාර වශයෙන් යොදා ගැනේ. රක්‌ත අර්ශස්‌ රෝගය, යාකෘත් රෝග ජනිත ශෝථයට, අණ්‌ඩ වෘද්ධියට, ගර්භාෂගත ගෙඩිවලට, ගුල්ම රෝගයට, දත් කැක්‌කුමට, බාලයන් ගේ රත රෝගයට, මී විෂට, යාකෘත් වෘද්ධි සහ යාකෘත් අවරෝධයට ප්‍රතිකාර කිරීමේ දී කටුපිල යොදා ගැනේ. එසේ ම යටි පතුලේ හටගන්නා පිළිකා සඳහා හා කටු පිළිකයට ප්‍රතිකාර කිරීමේ දී ද කටුපිල යොදා ගන්නා බැව් සඳහන් වේ.

පිළිකා සඳහා ප්‍රතිකාර කිරීමේ දී යොදා ගන්නේ යෑයි සඳහන් වුව ද කටුපිල ශාකය ඒ සඳහා පුළුල් ලෙස භාවිත වීමක්‌ හෝ ප්‍රතිපිළිකාමය ගුණැති ශාකයක්‌ ලෙස පුළුල් විද්‍යාත්මක පර්යේෂණයකට බඳුන් වීමක්‌ හෝ සිදු වී ඇති බවත් නො පෙනේ.

F. leucopyrus නමින් හඳුන්වනු ලබන කටුපිල (-හීන් කටුපිල) ශාකය පිළිබඳ තත්ත්වය එසේ වුවත් ජයවීර මහතා ගේ කෘතියෙහි කටු පිල වශයෙන් හඳුන්වා ඇති විශේෂය (Tephrosia purpurea) ගැන සෑහෙන වෛද්‍ය විද්‍යාත්මක පර්යේෂණ ප්‍රමාණයක්‌ විවිධ රටවල විද්‍යාඥයන් විසින් සිදු කොට තිබේ. මෙහි ලා වඩාත් වැදගත් හා පුදුමය දනවන කරුණ වන්නේ Tephrosia purpurea කටු පිල විශේෂය ප්‍රතිපිළිකාමය ගුණයෙන් යුක්‌ත බැව් විද්‍යාත්මකව සනාථ කොට තිබීම ය.

ඉන්දියාවේ තමිල්නාඩුහි අන්නමලේ විශ්වවිද්‍යාලයයේ ජීව රසායන අංශයේ ආචාර්ය කවිතා සහ මනෝහරන් යන විද්‍යාඥයන් දෙදෙනා විසින් 2006 වසරේ මීයන් යොදා සිදු කරන ලද පර්යේෂණයකින් Tephrosia purpurea (අපි ඊට කතුරුපිල යෑයි කියමු) සතු ප්‍රතිපිළිකාමය ගුණය සනාථ කොට තිබේ ඒ සඳහා යොදාගෙන ඇත්තේ එම ශාකයේ මුලේ මෙතැනොලික නිස්‌සාරණයන් ය. ප්‍රතිපිළිකාමය (anti - cancer) ගුණයට අමතරව එම නිස්‌සාරක මඟින් ප්‍රතිලිපිඩ ඔක්‌සිකාරක ගුණයක්‌ (Anti lipid peroxidative) ද ප්‍රදර්ශනය කරනු ලැබූ බැව් එම විද්‍යාඥ දෙපළ 2006 වර්ෂයේ දී ෂබාස්‌බ Indian Journal of Pharmacology නම් වූ ප්‍රකට විද්‍යාත්මක ප්‍රකාශනයේ පළ වූ පර්යේෂණ වාර්තාවක්‌ මඟින් හෙළි කොට තිබේ.

ඉන්දියාවේ නවදිල්ලියේ හැම්ඩාර්ඩ් සරසවියේ විද්‍යා පීඨයේ ආචාර්ය සලීම් ප්‍රමුඛ විද්‍යාඥයන් කණ්‌ඩායමක්‌ විසින් සිදු කරන ලද පර්යේෂණයකින් ද කකුරුපිල සතු ප්‍රතිපිළිකාමය ගුණය විද්‍යාත්මකව සනාථ කොට තිබේ. මේ පර්යේෂණය සඳහා ද ඔවුන් යොදාගෙන ඇත්තේ මීයන් ය. පර්යේෂණ වාර්තාව පළ කොට ඇත්තේ 2001 වසරේ Pharmacological Research නම් වූ ප්‍රකාශනයේ ය.

ක්‍ෂයරෝග කාරක Mycobacterium tuberculosis නම් වූ බැක්‌ටීරියාව විනාශ කිරීමේ හැකියාවක්‌ ද කතු=රුපිල ශාකයේ මුල් සේදුම් සතු ව ඇතැයි ඉන්දියාවේ නවදිල්ලි සරසවියේ උද්භිද විද්‍යා අංශයේ ආචාර්ය රජීව් ප්‍රමුඛ විද්‍යාඥ කණ්‌ඩායමක්‌ විසින් 2001 වසරේ දී වාර්තා කොට තිබේ. ක්‌ෂය රෝගකාරක බැක්‌ටීරියාව විනාශ කිරීම සඳහා කතුරුපිල ශාකය ඇසුරින් නව ඖෂධයක්‌ නිපදවීමට මෙම සොයා ගැනීම ඉවහල් වේ යෑයි දක්‌වා තිබේ.

අම්ල පිත්ත රෝගීන් ගේ ආමාශය ආශ්‍රිතව වෙසෙන පිළිකාකාරක Helicobacter Pylori නම් වූ බැක්‌ටීරියාව විනාශ කිරීමේ හැකියාවක්‌ ද කතුරුපිල ශාකයේ මෙතැනොලික නිස්‌සාරක සතු ව ඇතැයි ඉන්දියාවේ කල්කටාවේ රසායනික ජීව විද්‍යාව පිළිබඳ ඉන්දීය ආයතනයේ ආචාර්ය චින්නයියා ප්‍රමුඛ විද්‍යාඥයන් කණ්‌ඩායමක්‌ විසින් ඉතා මෑතක දී (2009) Journal of Ethnophamacology නම් වූ සුප්‍රකට ප්‍රකාශනයේ පළ කරනු ලැබූ පර්යේෂණ පත්‍රිකාවකින් වාර්තා කොට තිබේ. මෙය අම්ල පිත්ත රෝගීන් සඳහා වැදගත් වූ වෛද්‍ය විද්‍යාත්මක සොයාගැනීමකි.

කතුරුපිල ශාකයේ වායව කොටස්‌ (පත්‍ර, කඳේ පොත්ත)වලින් පිළියෙල කරගත් නිස්‌සාරක යාකෘත් ආරක්‍ෂක (Hepato protective) ක්‍රියාකාරීත්වයෙන් යුක්‌ත බැව් විද්‍යාඥ කණ්‌ඩායම් රාශියක්‌ විසින් වාර්තා කොට තිබේ. ආචාර්ය අමිත් කාට්‌රි ප්‍රමුඛ කණ්‌ඩායමට (2008), ආචාර්ය ශ්‍රී රාමා ප්‍රමුඛ කණ්‌ඩායම (1993), ආචාර්ය ජායින් ප්‍රමුඛ පර්යේෂක කණ්‌ඩායම (2006), ඒ අතර වේ. කටුපිල සතු යාකෘත් ආරක්‍ෂක ගුණය පිළිබඳව ආයුර්වේද පොත පතෙහි ද සඳහන් වේ.

ස්‌ට්‍රෙප්ටොසොටොසින්-ප්‍රේරිත දියවැඩියා මීයන් ගේ රුධිරයේ සීනි මට්‌ටම හා ලිපිඩ මට්‌ටම අඩු කිරීමේ හැකියාවක්‌ ද කතුරුපිල ශාකයේ Tephrosia purpurea පත්‍රිකාවල ජලීය නිස්‌සාරක සතු ව ඇති බැව් ආචාර්ය පවානා ප්‍රමුඛ ඉන්දීය පර්යේෂක කණ්‌ඩායම විසින් වාර්තා කොට තිබේ. (2007).

කතුරුපිල ශාකය නිස්‌සාරක ප්‍රතිඔක්‌සිකාරක ගුණයෙන් යුක්‌ත බැව් ආචාර්ය සෝනි ප්‍රමුඛ ඉන්දීය විද්‍යාඥයන් කණ්‌ඩායමක්‌ 2006 වර්ෂයේ දි වාර්තා කොට තිබේ. මේ බැව් ඊට පෙර (1998) ඉන්දියාවේ බැංගලෝරයේ ආචාර්ය ප්‍රසාන්ත් කුමාර් ප්‍රමුඛ විද්‍යාඥයන් කණ්‌ඩායමක්‌ විසින් ද වාර්තා කොට තිබේ.

තව ද කතුරුපිල ශාකයේ නිස්‌සාරක ප්‍රතික්‍ෂුද්‍රජීව ක්‍රියාකාරී තත්ත්වයෙන් ද යුක්‌ත බැව් ඉන්දියාවේ ආචාර්ය ජීචස්‌ කුමාර් ප්‍රමුඛ විද්‍යාඥයන් කණ්‌ඩායමක්‌ විසින් සොයාගෙන ඇත. (2007).

මේ පර්යේෂණ වාර්තාව අනුව සනාථ වන්නේ ප්‍රතිපිළිකාමය ගුණයට අමතරව කතුරුපිල, ප්‍රතිඔක්‌සිකාරක, යාකෘත් ආරක්‍ෂක, ප්‍රතික්‍ෂුද්‍ර ජීවී, අධෝලිපිඩමය, අධෝමධුරක්‌ති, ප්‍රති Helicobacter Pylori ප්‍රති Mycobacterium tuberculosis ආදී ඉතා වැදගත් ඖෂධීය ක්‍රියාකාරිත්ව

රැසකින් යුක්‌ත බවයි.

කතුරුපිල ශාකයේ එම ඖෂධීය ගුණයන්ට බලපාන්නේ යෑයි විශ්වාස කරනු ලබන රසායනික සංඝටක කිහිපයක්‌ ම මේ වන විට විද්‍යාඥයන් විසින් වෙන් කොට හඳුනාගෙන තිබේ. (+) - Tephrorin, A සහ B, Tephrosone, (+) - Tephropurpurin, (+) - Purpuirn, Pongamol, Lanceolatin, (-)- Maackianin, (-)- Medicarpin ඒ සංඝටක අතර වේ.

හීන් කටුපිල (Fluggea leucopyrus) ශාකයේ ඖෂධීය ගුණ සනාථ කරන එවන් පර්යේෂණ වාර්තා නැතත් සුවපත් වූ රෝගීන් පිළිබඳව වාර්තා වෙයි. මෑතක දී සති අන්ත පුවත් පතකින් වාර්තා කෙරුණේ එවැන්නකි.

ප්‍රතිපිළිකාමය ගුණය මෙන්ම අනෙකුත් ඖෂධීය ගුණයන් සඳහා ද කටුපිල (-හීන් කටුපිල) ශාකය ද පුළුල් විද්‍යාත්මක පර්යේෂණයකට පාත්‍ර කළ යුතු කාලය එළඹ ඇත.

උපුටා ගැනීම
Read more

Friday, May 2, 2014

සිරිපා මළුව වටා රැස් වළල්ලක් විහිදෙයි

සිරිපා කඳු මුදුනේ සිරිපා මළුව වටා රැස් වළල්ලක් විහිදී යන අසිරිය දුටු බව සිරිපා වන්දනාවේ ගිය බැතිමතෙක් පවසයි. එම රැස් වළල්ලේ ඡායාරූපයක් සිරිපා මළුවේ සිට කිලෝමීටර් පහ හයක දුරකදී කැමරා කාචයේද මේ බැතිමතා සටහන් කරගෙන තිබේ.අරණායක පදිංචි රංජිත් සුනන්ද නමැති මේ බැතිමතා රත්නපුරයට පැමිණ එම ඡායාරූපය ශ්‍රීපාදස්ථානාධිපති උෟව වෙල්ලස්ස විශ්වවිද්‍යාලයේ කුලපති බෙංගමුවේ ධම්මදින්න නාහිමියන් වෙත පෙන්වා ඇත.

රත්නපුර දිස්ත්‍රික් ලේකම් කාර්යාලයේ පැවැති මෙවර සිරිපා වන්දනාව නිම කිරීමේ පෙරහර සම්බන්ධ සාකච්ඡාවකදී මේ ඡායාරූපය ඉදිරිපත් කරන ලදී.
එහිදී රංජිත් සුනන්ද මහතා මෙසේ පැවැසීය. මාගේ දරුවෝ තිදෙනා සිරිපා වන්දනාවේ ගොස් තිබුණේ නැහැ. මමත් බිරියත් ඥාති හිතවතුන් පිරිසක්ද සිරිපා වන්දනාවේ ගියා. අපි රාත්‍රි අටට පමණ හැටන් මාර්ගයෙන් කරුණා කිරීම ආරම්භ කළා. අවුරුදු 83ක අයකුද අප සමඟ කරුණා කළා.

අලුයම තුන පමණ වන විට උඩ මළුවට ගොස් සිරිපා වැඳ ආපසු පැමිණියා. පාන්දර පහයි පහට මම මේ දර්ශනය දුටුවා. මා සමඟ ඒ වෙලාවේ මගේ දියණියක්ද සිටියා. ඇයගේ කැමරාවෙන් එය ඡායාරූප ගත කළා. රැස් වළල්ල සිරිපා කඳු මුදුනේ හොඳින් විහිදුණා.
ශ්‍රීපාදස්ථානයට වර්තමානයේදී සිදු කෙරෙන පුද පූජාවල මහිමයෙන් මෙවැනි ආශ්චර්යවත් දේ සිදුවෙනවා විය හැකියි.
මේ සම්බන්ධව 'මව්බිම' ශ්‍රීපාදස්ථානාධිපති බෙංගමුවේ ධම්මදින්න නාහිමියන් ගෙන් ඊයේ (30දා) පැල්මඬුල්ල රාජමහා විහාරයේදී කරුණු විමසීය. එහිදී උන්වහන්සේ මෙසේ පැවැසූහ.

මේ අසිරිමත් දර්ශනය සියැසින් දුටු අය එය ඡායාරූපගත කර මා වෙත ගෙනවිත් පෙන්නුවා. පසුගිය මැදින් පුර පසළොස්වක පොහෝදා සිරිපා මළුවේ පින්කමට වැඩම කළ කථිකාචාර්ය මැදගොඩ අභයතිස්ස නාහිමියන්ද මෙවැනිම අසිරිමත් දර්ශනයක් රාත්‍රියේදී දුටු බව පැවැසුවා. ශ්‍රීපාදස්ථානය බෞද්ධයන්ගේ මුදුන් මල්කඩක්. බුදුරජාණන් වහන්සේගේ පාද සලකුණ සනිටුහන් කරන ලද උත්තම පුණ්‍ය භූමියයි.
සුමන සමන් දෙවිඳුන් වැඩ සිටින අඩවියයි. එවැනි උතුම් පින් බිමක ආගමික චාරිත්‍ර සහ තේවාවන් නිසි ලෙස ඉටු කරනවා. අපි විශ්වාස කරනවා ඒ නිසා මෙවැනි අසිරිමත් දර්ශන දකින්න ලැබෙනවා ඇති කියලා. =====================


පැල්මඬුල්ල - ඉරෝක ගයන්ත පෙරේරා  මව්බිම
 
Read more

Wednesday, April 16, 2014

සිංහලයා ඉගුරු දීලා මිරිස් ගත්තා-business in srilanka

අපි සිංහල කඩේකට යනවා බදු ගන්න.
ගිහින් බඩු තෝරනවා, මුදලාලි ටිකක් වෙලා බලන් ඉන්නවා.
..මහත්තයා මේක දෙන්නද?...
අපි තව ටිකක් තෝරනවා.
..මේ මහත්තයෝ තමුසේ බඩු ගන්නවානම් ගන්නවා, නැත්තම් යනවා යන්ඩ ...
ඉතින අපි අයේ ඒ කඩේ පැත්ත පළාතකවත් යනවද?

එත් අපි අන්‍යාගමික කඩේකට යනවා.
ආ මහත්තයා එන්න.
ඉදගන්න.
තේ එකක් බීලම ඉන්නවද.
ආ කෝකද ඕන, මේක දෙන්නද.
එපාද
එහෙනම් මහත්තයට මේක දෙන්නද?
ඉන්න මහත්තයා තව අලුතෙන් ආපු එකක් තියනවා.මේක හොදද බලන්න.
මහත්තයා ගෙදර ගියහම හරි නැ කියල හිතුනොත් ගෙන්න මාරු කරලා දෙන්නම්.
අයෙත් එන්න මහත්තයා.....


ඉතින් අපි උනත් යන්නේ අර සුහදසීලී පුද්ගලයා ගාවට නේද?

මොකද මේ මේ අයට මෙතරම් හොදට කතා කරන්නත් අපි තිරිසන්නුන්ට වගේ කතා කරන්නත් හේතුව?

මේ ගුණධර්ම අපිට තිබුන දේවල් නේද? සිංහල බොදු ජනතාවට උරුම ගුණ දර්ම නේද මේ. රුදුරු වැලි කතරක ඉපදුන , නැත්තන් සීත හිම කදු මත ඉපදුන මිනිසුන්ට මේ ගුනදර්ම ගවිලවත් තිබුනද....
බලන්න වෙනස
අපේ ගුණධර්ම ටික උන් ගත්තා.අපි උන්ගේ අසික්කිත සංස්කෘතිය පිළිගත්තා.
අන්තිමට මොකද උනේ උන් දින්නා,අපි වල පල්ලට ගියා.
උන් මොනවගෙන්ද දින්නේ අපේ ගුණධර්ම වලින්මයි.
සිංහලයා ඉගුරු දීලා මිරිස් ගත්තා.............
අද මුළු ලෝකයක් යැපෙන්නේ අපේ දේවල් වලින්.
රජෙක් වගේ හිටපු සිහල බොදුනුවෝ අද හිගන්නෝ වෙලා හිගානොකා හිගාකනවා.
අහෝ අවසනාවක තරම.
Read more

Sunday, April 13, 2014

ජලයේ බයෙන් ලෙඩ සුව කරමු-The best drink in the world

ජපානයේ ලෙඩ රෝග සුව පිළිබඳ සංගමය නම් ආයතනය ජලය පානය කිරීමෙන් නිදන්ගත වූ සහ රෝග සුව කිරීම පිළිබඳ සාර්ථක අත්හදා බැලීමක් කර, 100%ක් ප්‍රතිඵල ලබා ගන්නා පිළිවෙලක් ඉදිරිපත් කර ඇත.

ඒ අනුව සුව කල හැකි වු රෝග මෙසේය.

1.අධික රුධිර පීඩනය,නිරත්තිය(ලේ අඩුකම,ලේ වල රක්තානු අඩු බව )
වාත රක්තය අංශභාගය,අධික හෘද ස්පන්දනය, අපස්මාරය,අතිස්ථුලතාව(තරබාරුව )


2.කැස්ස,උගුරේ ආසාදනය,ඇදුම,ක්ෂය රෝගය,මොලේ උණ,අක්මාව මුත්‍රාශය සම්බන්ධ රෝග.



3.අධි අම්ලතාව,උදර වාතය,ලේ අතීසාරය,මල බද්ධය,දියවැඩියාව,අර්ශස්


4.සියළුම ඇස් රෝග,අක්‍රමවත් මාස ශුද්ධිය,මුත්‍රා මාර්ගයේ පිළිකා


5.ඇසේ,කනේ හෝ දත් වල සියළුම රෝග.

01උදෑසනින් පිබිදෙන්න,දත් මැදීමට පෙර මි.ලී. 640 බැගින්(වතුර බෝතලයක් ) මද උණුවතුර ප්‍රමානයක් බොන්න.

ඉන්පසු,
(අ ).පැයක් යනතුරු දියර හෝ ඝන කිසිවක් ආහාරයට නොගත යුතුයි.
(ආ )ඉන්පසු සාමාන්‍ය ආහාර ගත හැකියි.
(ඇ )කෑම වේල් තුනටම පසු පැය දෙකක් යනතුරු කිසිම කෑමක් බීමක් නොගත යුතුයි.
(ඉ )රෝගී හෝ මහලු අයට එක් වර වතුර ප්‍රමාණය බීමට අපහසුනම් ටිකෙන් ටික නියමිත ප්‍රමාණය දක්වා එය දියුණු කල හැකියි.

මෙම ප්‍රතිකාරයෙන් රෝගීන් සුවපත් වන බවත්,නිරෝගී අයගේ තත්වය ආරක්ෂා වන බවත් සහතික කොට කිව හැකිය,

පරීක්ෂණ වලින් ඔප්පුවී ඇති ආකාරයට ඒ ඒ රෝග මෙම ක්‍රමයෙන් සුව කිරීමට ගතවූ කාලය.

(අ ) රුධිර පීඩ්නය - දින 30යි
(ආ )දියවැඩියාව- දින 30යි
(ඇ ) උදර වාතය-දින 10යි
(ඈ )මල බද්ධය- දින 10යි
(ඉ )ක්ෂය රෝගය-මාස 03යි
(ඊ ) පිලිකාව-මාස 06යි

වාත රෝග (ආතරයිටීස් ) රෝගයෙන් පෙළෙන අය දිනකට තුන් වරක් බැගින් සතියක් මෙය කල යුතුය.ඉන්පසු කළ යුත්තේ දිනකට වරකී.මෙයින් අතුරු ආබාධ ඇති නොවේ.මුල් දින කිහිපය තුල වැඩි වාර ගනනක් මුත්‍රා කිරීමට සිදු වේ.

අළුයම අවදී වූ විට කෙල ගසා කට නොසොදා,උණුකර මද රස්නයට නිවාගත් වතුර බෝතලයක් (මි.ලී.640 ) බඳුනකට දමා දෙ අතට ගෙන වාඩි වෙන්න.පාවහන් ඉවත් කරන්න.දෙ ඇස් පියා ගන්න,දැන් මෙසේ ජලයට බල පිහිටුවන්න.

බුද්ධ රත්නයේ අනන්ත ගුණ බලයෙන්,
ධම්ම රත්නයේ අනන්ත ගුණ බලයෙන්,
සංඝ රත්නයේ අනන්ත ගුණ බලයෙන්,
සියලුම බොසත්වරුන්ගේ අනන්ත ගුණ බලයෙන්,
දෙමාපියන්ගේ අනන්ත ගුණ බලයෙන්,
ශ්‍රී මහා බෝධීන් වහන්සේගේ පිහිටෙන්,
ශ්‍රී දළදා වහන්සේ ගේ පිහිටෙන්,
සියළු දිවියන්ගේ පිහිටෙන්,
මා කරගත් කුසල් වල බලයෙන්,
මෙය මට බෙහෙතක් වේවා ! බෙහෙතක් වේවා ! බෙහෙතක් වේවා !
මෙයින් මා නිදුක් වේවා! සුවපත් වේවා ! දීර්ඝායු වේවා!
මාගේ ශරීරයේ ඇති සියළු රෝග මේ බෙහෙතින්ම සුවපත් වේවා !

• දැන් වතුර බීමට පටන් ගන්න.විනඩි 10ක් හෝ ගෙන බඳුන හිස් කලාට වරදක් නැත.වතුර බොන අතර තමන්ට ඇති සියළුම රෝග මෙනෙහි කර ඒවා සුව වේවායි ! සිතන්න.වතුර බිව් පසු පයක් ගතවනතුරු කිසියම් කෑමක් හෝ බීමක් නොගන්න.
• පැයකට පසුව උදේ තේ/කෝපී බොන්න.

• මෙසේ දින 10ක් කරන විට ශරීරයේ බර ගතිය අඩුවූවාසේ දැනේයි.එතැන් සිට සියළු රෝග සුව වීමට පටන් ගනී.යලි එම රෝග හෝ කිසිම රෝගයක් නොවැළදේවි.ශරීරයේ ඇතුලත ඇති සියළුම ඉන්ද්‍රීයයන් අළුත්වැඩියා වේවී.සම එමගින් වයස් ගත වීමට ප්‍රමාද වේවී.ක්‍රමයෙන් තරුණබවට පත් වේවී.සම පැහැපත් වේවී.බොහෝ කාලයක් ජීවත් වීමට නිරෝගී වාසනවන්ත අයෙක් වේවී.

තෙරුවන් සරණින් සැප ජය හා දියුණුව.!!

ලින්ක් 
Read more

සිංහලයා ආර්‍ය ජාතියක් කියන්නේ ඇයි-history about Sinhalese buddhist

සිංහලයා ආර්‍ය (උසස්) ජාතියක් කියන්නේ ඇයි කියලා ඔබ දන්නවාද? ඒකට හේතුව තමයි, උසස් චාරිත්‍ර වාරිත්‍ර වලින් යුතු වීම. යහපත් චාරිත්‍ර වාරිත්‍ර වලින් යුතු වීම, අර්ථවත් චාරිත්‍ර වාරිත්‍ර වලින් යුතු වීම. නමුත් එම උසස් චාරිත්‍ර වාරිත්‍ර ටික පුරුදු වෙන ඕනෑම ජාතියක කෙනෙකුට ආර්‍යයෙකු විය හැක. සැබවින්ම ඉතාම උසස් පුද්ගලයෙකු විය හැක.
ආර්‍ය් (උසස්) චාරිත්‍ර වාරිත්‍ර ගැන මුලින්ම අපිට දේශනා කලේ අපගේ භග්‍යවත් අරහත් සම්මා සම්බුදුරජාණන් වහන්සේය. එම ආර්‍ය චාරිත්‍ර වාරිත්‍ර මෙලොව පරලොව දෙලොවම සෙත කලසන උසස් උතුම් චාරිත්‍ර වාරිත්‍රයන්ය. එම කරුණු මහා මංගල සූත්‍රයේ මෙසේ දක්වා තිබෙනවා.

1. බාල අසත්පුරුශයන් ඇසුරු නොකිරීම
2. සත්පුරුශ උත්තමයන් ඇසුරු කිරීම
3. පිදිය යුතු උතුමන් පිදීම
4. ධාර්මික දිවි පෙවෙතක් ගෙවිය හැකි යහපත් තැනක විසීම
5. පෙර කල පින් තිබීම
6. මනාකොට ධර්මයට පැමිණීම
7. බොහෝ දැන උගත් බව
8. බොහෝ ශිල්ප දත් බව
9. විනයකින් යුතු බව
10. මනාකොට හික්මුණු බව
11. යහපත් වචන කතා කරන්නෙකු වීම
12. මව් පියන්ට සැලකීම
13. අඹු දරුවන්ට සැලකීම
14. අවුල් නැතිව වැඩ කිරීම
15. දාන මානාදි පින්කම් කිරීම
16. ධාර්මිකව දිවි ගෙවීම
17. ඤාතීන්ට සැලකීම
18. නිවැරදිව සිල්වත්ව වැඩ කිරීම
19. පාපයෙන් දුරින්ම දුරු වීම
20. මත්පැන් මත් ද්‍රව්ය භාවිත නොකිරීම
21. ධර්මයේ අප්‍රමාදී වීම
22. වැඩිහිටියන්ට සිල්වතුන්ට ගුනවතුන්ට ගෞරව කිරීම
23. හොඳ යහපත් බසට අවනත වීම
24. ලද දෙයින් සතුටු වීම
25. කෙලෙහි ගුණ දත් බව
26. නිසි කලට ධර්මය ඇසීම
27. ඉවසීමකින් යුතු බව
28. කීකරුකමින් යුතු බව
29. සිල්වත් ගුණවත් ශ්‍රමනයන් වහන්සේලා මුණගැසීම
30. නිසි කලට ධර්මය සාකච්චා කිරීම
31. අකුසල් දුරු කිරීමට වීරිය කිරීම
32. බ්‍රහ්මචාරී උසස් ශීලයක හික්මීම
33. ආර්‍ය සත්‍යය අවබෝධ කිරීම
34. නිවන සාක්ෂාත් කිරීම
35. අට ලෝ දහමෙහි කම්පා නොවෙන බව
36. ශෝක රහිත බව
37. කෙලෙස් රහිත බව
38. බිය නැති සැක නැති මඟපල පසක් කරගෙන සිටීම (උතුම් අරහත්වය ලබාගෙන සිටීම )

උපතින් කිසිවෙකු උසස් හෝ පහත් නොවේ ක්‍රියාවෙන්ම කෙනෙක් උසස් හෝ පහත් වේ. සම්බුදුරජානන් වහන්සේ නමක් විසින් පෙන්වාදී වදාල මෙම ආර්‍ය වූ, උසස්, මංගල වූ, යහපත් චාරිත්‍ර වාරිත්‍රයන්ගෙන් පිට එකඳු මංගල කරුණක් ලොව නැත.

උපුටා ගැනීම
Read more

Wednesday, April 9, 2014

ශ්‍රීපාද අඩවියේ අවසානයද මේ?-sipadaya sri lanka(the sirlankan heritage and tourist place)

වන සත්ත්ව හා වෘක්ෂලතා ආඥා පනත ඇතුළු පරිසර පනත්වලට පටහැනිව යමින් සමනල කන්ද ස්වභාව රක්ෂිතයට අයත් ශ්‍රී පාද අඩවියේ තෝරා ගත් භූමි ප්‍රදේශයක් පූජා භූමියක් ලෙස ප්‍රකාශයට පත් කිරීමටත්, එම භූමිය විශේෂ සංරක්ෂණ විධිවිධාන යොදා ගනිමින් සංවර්ධනය කිරීමටත් ආණ්ඩුව ගෙන ඇති තීරණයට පරිසරවේදීහු දැඩි විරෝධය දක්වති. මීට අදාළ කෙටුම්පත කඩිනමින් අමාත්‍ය මණ්ඩලයට ඉදිරිපත් කිරීමට නියමිතය.

සැලැසුම් කර ඇති ආකාරයට මේ යටතේ නල්ලතන්නිය හරහා ශ්‍රී පාදයට යන මාර්ගය ප්‍රදේශයෙන් පමණක් වර්ග මීටර් හාර ලක්ෂ අසූ දහසකට වැඩි රක්ෂිත භූමි ප්‍රමාණයක් අදාළ පූජා භූමිය සඳහා පවරා ගැනීමට නියමිතය. මෙලෙස ශ්‍රී පාදය වෙත යෑමට ඇති ප්‍රධාන මාර්ග තුනේම මාර්ගය මැද සිට මීටර් 30 බැගින් මීටර් 60ක් පවරා ගැනීමට අදාළ කෙටුම්පත මඟින් යෝජනා කර ඇත. එහි වැඩිදුරටත් සඳහන් වන ආකාරයට මේ පූජා භූමිය සඳහා පවරා ගන්නා වර්ග මීටර් ලක්ෂ ගණනක භූමි ප්‍රමාණය අත්හැර, ඉතිරි කඳු බෑවුම් සහිත වනාන්තර ප්‍රදේශය පමණක් ඉදිරියේදී වන සත්ත්ව හා වෘක්ෂලතා ආඥා පනත යටතේ රක්ෂිතයක් ලෙස පවත්වාගෙන යෑමට නියමිතය.

පරිසරවේදීන් පෙන්වා දෙන ආකාරයට මේ කෙටුම්පත ක්‍රියාත්මක වුවහොත්, සමනල කන්ද ස්වාභාවික රක්ෂිතයේ සංචාරකයන් සඳහා විවිධ ඉදිකිරීම් කිරීම ආරම්භ වේ. එමඟින් ප්‍රධාන ගංගා සහ ජල උල්පත් රාශියක් ආරම්භ වන සුවිශේෂී ජල පෝෂිත ප්‍රදේශයක් වන සමනල කන්ද රක්ෂිතයට දැඩි
තර්ජනයක් එල්ල වන අතර එහි ජෛව විවිධත්වයටද බලපෑම් ඇති වේ. එම නිසා මේ කලාපය පවතින ආකාරයෙන්ම සංරක්ෂණය කර පාරිසරික සංවේදී කලාපයක් ලෙස ඉදිරියට පවත්වා ගෙන යෑමට අවශ්‍ය පියවර ගන්නා ලෙස පරිසරවේදීහු වගකිවයුතු බලධාරීන්ගෙන් ඉල්ලා සිටිති.

මේ ප්‍රදේශයේ දැනට ස්ථිර අනුමතය ලත් ගොඩනැඟිලි නොමැති අතර, රක්ෂිතයේ වෙනත් ස්ථානවල නීති විරෝධී ලෙස එවැනි ගොඩනැඟිලි ඉදිකර ඇති බවත් ඊට ප්‍රදේශයේ ප්‍රබල දේශපාලනඥයන්ගේ සහාය ලැබී ඇති බවත් 'මව්බිම' මීට පෙර හෙළිදරව් කෙළේය.

ශාලික විමලසේන, රංග එස්.උඩුගම
MAWBIMA - Page 1 - 06-04-2014


http://www.mawbima.lk/86-55251-news-detail.html

http://www.mawbima.lk/thumb/epaper-images/29963.jpg
Read more

අන්තර්ජාලය ලං කරගන්නකොට ඔබ මේ ගැනත් සිතුවද ?-තවත් එක සත්‍ය කතාවක්-facebook story

නංගිගේ ෆේස්බුක් එක දැක්කම අපිට අදහගන්න බැරිවුණා
ලෝකයේ දියුණුවත් සමගම තාක්ෂණයේදියුණුව මිනිස්සුන්ගේ යහපත මෙන්ම අයහපත සඳහාද භාවිතා කරන අයුරු දක්නට ලැබිම කනගාටුවට කරුණකි. අසත්පුරුෂ මිනිසුන් අද මෙන්ම එදාද ලෝකයේ සිටින්නට ඇත. අද එකිනෙකාට මුණගැසීමට ඇති අවකාශය පුළුල් වීම නිසා රැවටීම් හා වංචාවලට හසුවන ප්‍රමාණයද පෙර කාලයට වඩා වැඩිවී ඇත්තේ පුදුමාකාර ලෙසිනි. මේත් එවැනි කතාවකි. අපි ඇය චන්දිමා ලෙස හඳුන්වමු. ඇගේ නැගණියගේ කතාව ඇගේ වචනවලින්ම අසමු.
Facebook“මේ කතාව මම කියන්නේත් තවත් මේ රටවල ඉන්න තරුණ ගෑනු ළමයින්ට පාඩමක් නිසාමයි. අපි ලංකාවේ දකුණු පළාතේ අය. අපේ තාත්තා ව්‍යාපාරික කටයුතු කළේ.අම්මා නම් රැකියාවක් කළේ නෑ. ඒත් තාත්තා සාර්ථක ව්‍යාපාරිකයෙක් නිසා අපිට ‍පොඩි කා‍ලේ ඉඳලම කිසිම අග හිඟයක් තිබ්බෙ නෑ. අපේ පවු‍ලේ ගෑනු ළමයින්ම තුන් දෙනෙක්. අපේ පවුලට හිතවත් කෙනෙක් ගෙන් ආපු විවාහ යෝජනාවකින් විවාහ වෙලා තමයි මම ඉතාලියට ආවේ.
මම විවාහ වෙලා ටික කාලෙකින් මගේ දවෛනි නංගිවත් යෝජනාවකින් විවාහ කරලා දුන්නා තාත්තාගේ ඕනේකමට. ඒත් ඒ විවාහේ වැඩිකල් තිබ්බේ නෑ. නංගී ආපහු ගෙදර ආවා. එහෙම ගෙදර ඇවිත් ඉන්නකොට එයා හිටියේ මානසික පීඩනයකින්. මම කතා කළාමත් එයා හැමවෙ‍ලේම කිව්වා. “අනේ අක්කේ මට මෙහෙම ඉන්න බෑ. මිනිස්සු මගේ දිහා බලන්නේ අමුතු විදියට මාව ඉතාලියට ගෙන්න ගන්නකෝ” කියලා. අම්මයි තාත්තයි මේ අදහසට කැමති වුණ නිසා මගේ මහත්තයා දන්න හඳුනන ඉතාලි කෙනෙක්ට කියලා ‍පොඩි නංගීව ඉතාලියට ගෙන්න ගත්තා.
නංගී ඇවිත් අලුත් ජීවිතයක් පටන් ගත්තේ හරිම සතුටෙන්. එයාට හොඳ රැකියාවකුත් ඉක්මනින් ලැබුණා. එයත් හිටියේ අපේ ගෙදරමයි. මගේ බබා බලාගන්නත් හැමදේටමත් එයා උදව් වෙන නිසා මටත් හරිම පහසුවක් වුණා එයා ඉන්න එක. දැන් තරුණ අය හැමෝම කොම්පියුටර්, දියුණු දුරකතන පාවිච්චියට හරිම ආසයිනේ. නංගිත් ඉතින් ඕවා අරගෙන විනෝදෙන් හිටියා. එයා නිතරම ස්කයිප් එකෙන් ගෙදර අයයි එයාගේ යාළුවොයි එක්ක කතා කරනවා. අපි ඉතින් ඒවා ගැන වැඩියේ හෙව්වේ නෑ. මොකද එයා දැන් වැඩිහිටියෙක්නේ. මම දැනගෙන හිටියා එයා නිතරම ඉන්ටර්නෙට් එකේ ඉන්නවා ඒකෙන් ගොඩක් යාළුවෝ හොයාගෙනත් කියලා.
මගේ ‍පොඩි නංගී රූමත් කෙනෙක්. එයා ෆේස් බුක් එකෙත් එයාගේ ලස්සන ෆොටෝ දාලා තිබ්බා. අපි හැමෝම ෆේස් බුක් එකේ හිටපු නිසා ඒක මම වැරද්දක් විදියට දැක්කෙත් නෑ. ඔය අතරේ නංගී ටිකක් වෙනස් වෙන්න ගත්තා. එයා ගොඩක් සතුටෙන් ඉන්න ගත්තා. නිතරම හිටියේ කොම්පියුටර් එකේ. කාත් එක්කද ඔයා ඔය තරම් කතා කරන්නේ කියලා ඇහුවම “අයියෝ අක්කේ මේ යාළුවෝ ගොඩක් චැට් කරනවා” කියලා මග ඇරියා. ඒත් මම ටිකක් ඕනේකමින් බැලුවම එක තරුණයෙක් නංගී එක්ක වැඩි සම්බන්ධයක් තියෙනවා කියලා තේරුණ නිසා මම ඒ ගැන ඇහුවම එයා කිව්වා ඒ තරුණයා නංගීට කැමතියි කියනවා කියලා. මේ තරුණයා මැදපෙරදිග රටක සේවය කළේ.
අපි නංගීට කීවා ඔයාගේ කලින් විවාහය ගැනත් කියලා ඒ තරුණයාට කියන්න අපි එක්ක කතා කරන්න කියලා. නංගී කියපු විදියටම ඒ තරුණයා ස්කයිප් එකෙන් අපිත් එක්ක කතා කළා. ඔහුගේ නම අමිල. ගම කොළඹට
කිට්ටුව. ගිහින් තියෙන්නේ කොළඹ ජනප්‍රිය පාසලකට. කතාබහෙන් පෙනුමෙන් හරිම වැදගත් විදියක් තමයි අපි දැක්කේ. මැදපෙරදිග ආයතනයක රැකියාවක් කරනවා කියලා ඒ වැඩ කරන ස්ථානයේ ෆොටෝ පවා අපිටත් පෙන්නුවා. කියපු විදියට හොඳ රැකියාවක්. ඒක නිසාම ඔහු උගත් තරුණයෙක් කියලා අපිට තේරුණේ. අපි ඇහුවම නංගිගේ කලින් විවාහය එයාට ප්‍රශ්නයක් නැද්ද කියලා. ඔහු කීවේ “මම ජීවත් වෙන්නේ ගල් යුගයේ නමෛයි අක්කේ” කියලයි.
ඉතින් ඔය විදියට ඒ දෙන්න ආදරේ කරන්න ගත්තා. නංගී මහ රෑ වෙනකන් ඒ තරුණයා එක්ක ස්කයිප් එකේ කතා කර කර ඉන්නවා අපිට සමහර දවස්වලට ඇහෙනවා. මේ දෙන්නා ලංකාවට එකට ගිහින් එහිදි විවාහ වෙන්න පවා දින කතා කරගෙන හිටියේ. අමිල එයාගේ අම්මගේ දුරකතන අංකය පවා නංගීට දීලා තිබ්බා. නංගිත් ඒ ගෙදර අයටත් කතා කරලා දැන හඳුනාගෙන තිබ්බේ. නංගී හිතන් හිටියේ විවාහයෙන් පස්සේ එයාව ඉතාලියට ගෙන්න ගන්න. ඔහුත් කැමැත්තෙන්ලු හිටියේ ඉතාලි එන්න. ඉතින් අවුරුද්දකට වැඩිකාලයක් මෙයාලගේ ආදරේ ඔහොම ගියා.
එක දවසක් නංගී පුදුමාකාර දුකකින් අඬ අඬා හිටියා. මම ඇයි කියලා ඇහුවත් කියන්න අදිමදි කළා. පස්සෙ වද කරල ඇහුවම කිව්වා එයා දන්න කෙනෙක් කියලා තියෙනවා අමිල කියන්නේ හොරෙක් බොරුකාරයෙක් හොයලා බලන්න කියලා. අමිල ගෑනු එක්ක යාළුවෙලා සල්ලි අරගන්නවලු. බඳිනවා කියලා බොරු කියලා එයාලගෙ ගෙවල් වල පවා යනවලු. එහෙම සිද්ධියක් වුණ කෙනෙක් තමයි මේක කියලා තියෙන්නේ. එයා කිව්වලු මේක ඕනෙ නම් ඔප්පු කරලම පෙන්නම් කියලා. නංගී සෑහෙන්න මානසිකව වින්දා මේක නිසා. අමිල කතා කරත් නංගී වැඩි ඕනේ කමකින් නමෛයි කතා කළේ.
ටික ටික හොයලා බලද්දි අර ආරංචිය ගෙනාපු කෙනා කියපු දේ හරි. අමිලගේ තවත් සම්බන්ධයක් අපේ අතටම අහුවුණා. ඒ වගේම අපි අපේම නෑයෝ වෙන නංගී කෙනෙක් දාලා අමිලට කතා කරන්න සැලැස්සුවා.
මේ මනුස්සයා ඒ ළමයටත් කැමතියි ආදරෙයි කියලා තියෙන්නේ පළවෙනි දවසෙමයි. ඒක දැනගත්තට පස්සේ නංගීට පිස්සු හැදුණේ නැති ටික විතරයි. ඊට පස්සේ හොයලා බලද්දි අර වැඩ කරන තැන් අම්මගේ කියලා දුන්න ටෙලිෆෝන් අංක පවා පට්ට පල් බොරු. අපි නොදැනුවත්වම නංගී අමිලට සෑහෙන්න මුදල් දීලා තියෙනවා. අපි ඇහුවා මොනාටද ඒවා ගත්තේ කියලා. එක එක හදිසි ඕනෑකම් කියලා සැරින් සැරේ සල්ලි ඉල්ලගත්තලු. ආපහු දෙන්නම් කියලයි සල්ලි අරන් තියෙන්නේ.
අමිල කතා කරපු අන්තිම දවසේ නංගී අමිලට හොඳට බැන්නා. අපිත් එයාට හොඳටම දොස් කීවා. අමිල හිනාවෙලා කෝල් එක කට් කරලා ගියා. එදා රෑ නංගීට ෆෝන් එකට මැසේජ් එකක් ආවා ෆේස් බුක් එක බලන්න කියලා. නංගී ෆේස් බුක් එකට ගිහින් දැකපු දෙයින් අපි හැමෝටම අදහා ගන්න බැරුව ගියා. නංගීගේ නමින් තවත් එකවුන්ට් එකක් හදලා ඒකේ නංගීගේ අඩ නිරුවත් ඡායාරූප ගොඩක් දාලා. ඒ මදිවට නංගීගේ දුරකථන අංක පවා දාලා. ඒ ෆොටෝ ඔක්කොම අපිටත් ටැග් කරලා. අපේ නෑයෝ ළඟම යාළුවෝ පවා අමිල දැනගෙන හිටියා. ඒ හැමෝටම ඒ ෆොටෝ ටැග් කරලා.
නංගී රෑට අමිල එක්ක කතා කරද්දි ඔහු නංගීටත් නොදැනුවත්ම ස්කයිප් එක හරහා එක එක ඡායාරූප අරන්. අපේ නංගී මෙහෙම මෝඩ වැඩක් කරයි කියලා අපි හිතුවේ නෑ. අන්තිමේ නංගී වැසිකිළිවලට දාන්න තියෙන ඇසිඩ් වර්ගයක් බිව්වා. ජීවිතේ නැති කරගන්න හිතාගෙන. අපි ඉක්මනින් රෝහලට ගෙනිච්ච නිසා එයාගේ ජීවිතේ බේරුනා. අපි හැමෝගෙම ෆේස් බුක් එකවුන්ට් වහලා දැම්මා. ආයෙත් අමිල ගැන හොයන්නවත් ‍පොලීසියට කියන්නවත් ගියේ නෑ.
නංගී දැන් එයාගේ පාඩුවේ ඉන්නවා. ඒත් එයා සමාජයට යන්න හරිම බයයි. එයා කියනවා ඒ ඡායාරූප තව කොහේ කොහේ තියෙනවද දන්නේ නෑනේ කියලා. ඒක නෑ කියන්නත් බෑ. මට මගේ නංගී ගැන හරිම දුකයි. ජීවිතේ දවෛනි පාරටත් එයාට වැරදුණානේ. ආයෙත් කවදාවත් විවාහයක් ඕනේ නෑ කියලා එයා කියනවා. මේ ලෝකේ පිරිමි ගෑනුන්ගේ ජීවිතත් එක්ක මෙහෙම සෙල්ලම් කරන්නේ ගෑනුන්ගේ මෝඩකමයි අහිංසක කමයි
නිසාද ?
චන්දිමා අසන පැනයට පිළිතුර කුමක් වුවත් බොහෝ දේ නිසාවෙන් අන්තිමේ බැට කන්නේ කාන්තා පාර්ශ්වය විතරක් වීම නම් කනගාටුවට කරුණකි.

ලක්මිණි වෙදමුල්ල ඉතාලියේ මිලානෝ සිට
Read more

ෆෙස්බුක් දිනපොත © 2014. All Rights Reserved | Powered by:Blogger

Designed by:Windroidclub